1 Եւ Ղեւտացիների նահապետները մօտեցան ա Եղիազար քահանային, Նաւեան Յեսուին եւ Իսրայէլի որդկանց ցեղերի նահապետներին,
2 Եւ խօսեցին նորանց հետ Քանանի երկրումը բ Սելովումը ասելով. գ Տէրը Մովսէսի միջոցովը հրամայեց բնակուելու համար արուարձանները տալ մեզ:
3 Եւ Իսրայէլի որդիքը Տիրոջ հրամանովն իրանց ժառանգութիւններիցն այս քաղաքները եւ նորանց արուարձանները տուին Ղեւտացիներին:
4 Եւ վիճակը ելաւ Կահաթեանց ազգատոհմներին. եւ Ղեւտացիներից դ Ահարօն քահանայի որդիներին ե վիճակով տասնեւերեք քաղաք ելաւ, Յուդայի ցեղիցը, Շմաւոնի ցեղիցը եւ Բենիամինի ցեղիցը:
5 Եւ Կահաթի միւս որդիներին Եփրեմի ցեղի ազգատոհմներիցը եւ Դանի ցեղիցը, եւ Մանասէի կէս ցեղիցը վիճակով տասը քաղաք:
6 Եւ զ Գերսոնի որդիներին՝ Իսաքարի ցեղի ազգատոհմներիցը եւ Ասերի ցեղիցը եւ Նեփթաղիմի ցեղիցը, եւ Բասանի մէջ եղող Մանասէի կէս ցեղիցը վիճակով տասնեւերեք քաղաք:
7 է Մերարիի որդկանց համար իրանց տոհմերի համեմատ՝ Ռուբէնի ցեղիցը Գադի ցեղիցը եւ Զաբուղոնի ցեղիցը տասնեւերկու քաղաք:
8 Եւ Իսրայէլի որդիքը այս քաղաքները եւ նորանց արուարձանները վիճակով տուին Ղեւտացիներին, ինչպէս որ Տէրը պատուիրել էր Մովսէսի միջոցովը:
9 Եւ Յուդայի որդկանց ցեղիցը եւ Շմաւոնի որդկանց ցեղիցն այս քաղաքները տուին, որ իրանց անունովը յիշուած էին.
10 Եւ ը Ահարօնի որդիներինը եղան, որոնք Ղեւիի որդիներիցն եղող Կահաթեանց ազգատոհմներիցն էին. որովհետեւ առաջի վիճակը նորանցն էր:
11 Եւ թ նորանց տուին Յուդայի սարի վերայ՝ ժ Ենակի հօր Արբայի քաղաքը՝ այսինքն Քեբրոնը, նորա շրջակայ արուարձաններովը.
12 Եւ ի քաղաքի ագարակներն ու գիւղերը Յեփոնեան Քաղէբին կալուածք տուին:
13 Եւ Ահարօն քահանայի որդիներին՝ սպանողի համար ապաստանի քաղաք Քեբրոնը տուին իր արուարձաններովը. նաեւ լ Լեբնան իր արուարձաններովը:
14 Եւ խ Յաթիրն իր արուարձաններովը, եւ ծ Եթսեմովն իր արուարձաններովը,
15 Եւ կ Քօղօնն իր արուարձաններովը, եւ հ Դաբիրն իր արուարձաններովը,
16 Եւ ձ Այինը իր արուարձաններովը, եւ ղ Յետտան իր արուարձաններովը, եւ ճ Բեթսամիւսն իր արուարձաններովը. այս երկու ցեղիցը ինը քաղաք:
17 Եւ Բենիամինի ցեղիցը մ Գաբաւօնն իր արուարձաններովը, Գաբան իր արուարձաններովը,
18 յ Անաթովթն իր արուարձաններովը, եւ ն Գաղմոնն իր արուարձաններովը. չորս քաղաք:
19 Ահարօնի որդիք՝ քահանաների բոլոր քաղաքները տասնեւերեք քաղաք էին եւ նորանց արուարձանները:
20 Եւ Կահաթի որդիներից մնացած Ղեւտացի Կահաթեանց ազգատոհմներն էլ Եփրեմի ցեղիցը վիճակով քաղաքներ առան:
21 Եւ նորանց տուին Եփրեմի լեռնակողմումը՝ սպանողի համար ապաստանի քաղաք շ Սիւքէմն իր արուարձաններովը, եւ ո Գաղէրն իր արուարձաններովը,
22 Եւ Կաբսեմն իր արուարձաններովը, եւ չ Բեթորոնն իր արուարձաններովը. չորս քաղաք:
23 Եւ Դանի ցեղիցը՝ պ Ելթեկէն իր արուարձաններովը, Գաբաթոնն իր արուարձաններովը,
24 ջ Այեղոնն իր արուարձաններովը, եւ ռ Գեթրեմոնն իր արուարձաններովը. չորս քաղաք:
25 Եւ Մանասէի կէս ցեղիցը՝ ս Թանաքն իր արուարձաններովը, եւ վ Գեթրեմոնն իր արուարձաններովը. երկու քաղաք:
26 Կահաթի որդիներից մնացած ազգատոհմների բոլոր քաղաքները տասն էին եւ նորանց արուարձանները:
27 Եւ Ղեւտացիների ազգատոհմներից եղող Գերսոնի որդիներին տուին Մանասէի կէս ցեղիցն սպանողի համար ապաստանի քաղաք Բասանումը տ Գովղանն իր արուարձաններովը. նաեւ Բեեստարան իր արուարձաններովը. երկու քաղաք:
28 Եւ Իսաքարի ցեղիցը՝ ր Կեսիօնն իր արուարձաններովը, ց Դաբարաթն իր արուարձաններովը,
29 ւ Յերիմութն իր արուարձաններովը, փ Ենգանիմն իր արուարձաններովը. չորս քաղաք:
30 Եւ Ասերի ցեղից՝ ք Մասաղն իր արուարձաններովը, Աբդօնն իր արուարձաններովը,
31 օ Քեղկաթն իր արուարձաններովը, եւ ֆ Րոոբն իր արուարձաններովը. չորս քաղաք:
32 Եւ Նեփթաղիմի ցեղիցն սպանողի համար ապաստանի քաղաք Գալիլեայում և Կադէսն իր արուարձաններովը. նաեւ ա Եմաթդովրն իր արուարձաններովը, եւ բ Կարթանն իր արուարձաններովը. երեք քաղաք:
33 Գերսոնեանց բոլոր քաղաքները նորանց ազգատոհմների համեմատ տասնեւերեք քաղաք էին եւ նորանց արուարձանները:
34 Եւ գ մնացած Ղեւտացիներին՝ այսինքն Մերարիի որդկանց ազգատոհմներին տուին Զաբուղոնի ցեղիցը դ Յեկնամն իր արուարձաններովը, Կարթան իր արուարձաններովը,
35 Դեմնան իր արուարձաններովը, եւ ե Նաաղօլն իր արուարձաններովը. չորս քաղաք:
36 Եւ Ռուբէնի ցեղիցը զ Բոսորն իր արուարձաններովը, է Յասսան իր արուարձաններովը,
37 ը Կադեմօթն իր արուարձաններովը, եւ Մեփայաթն իր արուարձաններովը. չորս քաղաք:
38 Եւ Գադի ցեղիցն սպանողի համար ապաստանի քաղաք Գաղաադումը թ Ռամովթն իր արուարձաններովը. նաեւ ժ Մանայիմն իր արուարձաններովը,
39 ի Եսեբոնն իր արուարձաններովը, եւ լ Յազերն իր արուարձաններովը. ամենը չորս քաղաք:
40 Ղեւտացիների ազգատոհմներից մնացած Մերարիի որդկանց բոլոր քաղաքներն իրանց տոհմերի համեմատ իրանց վիճակովը տասնեւերկու քաղաք եղաւ:
41 խ Իսրայէլի որդկանց կալուածքների մէջ Ղեւտացիների բոլոր քաղաքները քառասունեւութը քաղաք էին՝ եւ նորանց արուարձանները:
42 Այս քաղաքների ամեն մէկն իր շրջակայ արուարձաններն ունէր, այս քաղաքների ամենն էլ այնպէս էր:
43 Եւ Տէրը տուաւ Իսրայէլին այն ծ բոլոր երկիրը, որ երդում էր արել նորանց հայրերին տալու. եւ նորան ժառանգեցին եւ նորանում բնակուեցան:
44 Եւ կ Տէրը նորանց ամեն կողմից հանգստացրեց. Ինչպէս որ նորանց հայրերին երդում էր արել. եւ հ նորանց բոլոր թշնամիներիցը բնաւ մէկը չ’կարողացաւ նորանց դէմ կենալ. ձ Տէրը նորանց ամեն թշնամիներին նորանց ձեռքը տուաւ:
45 ղ Ոչ մի բան չ’պակասեց այն ամեն բարի բաներիցը, որ Եհովան Իսրայէլի տան համար խօսել էր. բոլորը կատարուեցաւ:
Հեսու 21